23 D'ABRIL DIA NAZIONAL D'ARAGON

DIA NAZIONAL D'ARAGON

SAN CHORCHE

O Día Nazional d'Aragón se zelebra toz os años o 23 d'abril. Con iste día se fa omenache á San Chorche, santo patrón d'o Reino d'Aragón dende o sieglo XV.

En o Estatuto d'Autonomía d'Aragón aparixe en l'Articlo 3.— Simbolos e capitalidat, O día d'Aragón ye o 23 d'abril.^[1]

Istoria

A relazión de San Chorche con Aragón prenzipia en l'año 1096, con l'aduya d'o santo á lo rei Pietro I d'Aragón en a reconquiesta d'a ziudat de Uesca en a batalla d'Alcoraz

O patrozinio de se fazió ofizial en l'año 1461, as Corz de Calatayú combocatas por Chuan II estableixen a festibidat por o siguient fuero:

E assimesmo ordenamos, que la fiesta del glorioso Martyr señor san Iorge, que caye a XXIII días de abril, sia en el dito Regno inviolablemente, e perpetua, guardada, observada e celebrada solemnement: assí como los días del Domingo e otras fiestas mandadas guardar. E todos los Prelados del dito Regno sian tenidos aquella mandar guardar e observar, jus aquellas penas mesmas que deven e son tenidos fazer observar e guardar los Domingos e otras fiestas

Un sieglo dimpués, en as Corz de Monzón de 1564 se confirma o fuero establindo una piñora de sisanta sueldos chaqueses ta qui no guarde a dita fiesta.

Dimpués de l'abolizión d'os fueros, no ye dica o 10 d'abril de 1978, un día dimpués d'a costituzión d'a Deputazión Cheneral d'Aragón como estituzión preautonomica, cuan os suyos consellers apreban, por unanimidat, declarar o 23 d'abril como Día d'Aragón.

En atención al carácter tradicional e histórico que el día 23 de abril tiene para Aragón, por ser la festividad de nuestro señor San Jorge, se acuerda asímismo, por unanimidad de todos los señores Consejeros, declarar dicha fecha de cada año, oficialmente, "Día de Aragón"

A festibidat de San Chorche como Día d'Aragón prene o ran de Lai o 16 d'abril de 1984, en que se declara a calendata d'o 23 d'abril festibo en tot Aragón, e á la fin en a reforma d'o Estatuto de l'año 2007 s'adibe en l'articlo 3 a festibidat nazional d'Aragón.

1 comentario

[Mateo - 27 de abril de 2010 - 14:30]

Vale, muy bien por tu blog, pero estamos hasta las pelotas de que lo pongas como página de inicio en la biblioteca de la facultad para alimentar tu ego.