!Democracia Real YA! Zaragoza

Publicado: 16/10/2011 16:24 por Miguel Anchel Sanz en ARAGON
20111016162434-democracia-real-ya-zaragoza.jpg

 

Manifiesto en Aragonés

Somos personas normals y corrients. Somos como tú: chent que se devanta totz es maitins ta estudiar, ta treballar u ta mirar treballo, chent que tien familia y amigos. Chent que treballa firme totz es diyas ta vivir y dar un esdevenidor millor a os que nos redolan.

Beluns nos consideramos mes progresistas, belatros mes conservadors. Beluns creyents, belatros no. Beluns tenemos ideolochías bien definitas, belatros nos consideramos apoliticos… Pero totz somos preocupaus y indignaus per lo panorama politico, economico y social que veyemos a lo nuestro arredol. Per a corrupción d'os políticos, interpresarios, banquers… Per a indefensión d'o ciudadán d'a piet.

Ista situación nos fa mal a totz diariament. Pero si totz nos achuntamos, podemos cambiar-la. Ye hora de meter-se en movimiento, hora de construir entre totz una sociedat millor.
Per ixo refirmamos tiercament o siguient:

  • As prioridatz de tota sociedat avanzata han d'estar a igualdat, lo progreso, a solidaridat, lo libre acceso t'a cultura, la sustenibilidat ecolochica y lo desembolique, o bienestar y a felicidat d'as personas.
  • Existen uns dreitos basicos que habrían a estar cubiertos en istas sociedatz: dreito a la vivienda, a'l treballo, a la cultura, a la salut, a la educación, a la participación politica, a lo libre desembolique personal, y dreito a lo consumo d'os biens amenisters ta una vida sana y goyosa.
  • L'actual funcionamiento d'o nuestro sistema economico y gubernamental no atiende a istas prioridatz y ye un obstaclo ta lo progreso d'a humanidat.
  • A democracia ranca d'o pueblo (demos=pueblo; cracia=gubierno) asinas que lo gubierno ha d'estar d'o pueblo. Manimenos, a iste país a mes gran parti d'a clase politica ni sisquiera nos escuita. As suyas funcions habrían a estar a de portar a nuestra voz ta las institucions, facilitando a participación politica ciudadana meyant caixers directos y procurando lo mes gran beneficio ta lo conchunto d'a sociedat, no a d'enriquir-se y medrar a la nuestra costa, atendendo tant sólo a es dictatos d'os grans poders economicos y acarrazando-se a lo poder a traviés d'una dictadura partitocratica encapezata per as inamovibles siglas d'o PPSOE.
  • L'anglucia y afascalamiento de poder en uns pocos chenera desigualdat, crispación y inchusticia, o que mena ta la violencia, que refusamos. L'obsoleto y antinatural modelo economico vichent bloqueya la maquinaria social en una espiral que se consume a ella mesma enriquindo a bells pocos y fundindo en a pobreza y a escasez a la resta. Dica lo colapso.
  • A voluntat y fin d'o sistema ye l'acabalamiento de diners, primando-lo per dencima d'a eficacia y o bienestar d'a sociedat. Malmetendo recursos, destruindo lo planeta, chenerando desemplego y consumidors infelices.
  • Es ciudadans femos parti de l'engranache d'una maquina destinata a enriquir a una minoría que no sape ni d'as nuestras necesidatz. Somos anonimos, pero sin nusatros no existiría res d'isto, pues nusatros movemos o mundo.
  • Si como sociedat aprendemos a no fiar o nuestro esdevenidor a una abstracta rentabilidat economica que no s'aplica mai en beneficio d'a mayoría, podremos eliminar os abusos y carencias que totz enduramos.
  • Cal una Revolución Etica. Hemos meso los diners por dencima d'o Ser Humano y hemos de meter-lo a lo nuestro servicio. Somos personas, no productos d'o mercau. No soi només o que merco, per qué lo merco y a qui li'n merco.



Per tot l'anterior, soi indignato.

Creigo que puedo cambiar-lo.

Creigo que puedo achudar.

Sé que unitos podemos.

Sale con nusatros. Ye o tuyo dreito.

Comentarios  Ir a formulario

No hay comentarios

Añadir un comentario



No será mostrado.